************ ********* *********
واحده بتلعب أستغمايه مع خطيبها ،، قالت له ،، لو لقتني حتبوسني
لو ما لقتنيش هكون ورا الباب
************ ********* **
زوج بيبكي في جنازة مراته سألوه: كنت بتحبها قوي كده؟؟
قال أبدا ... بس أصلي سمعت إن البكاء بيعذب الميت
************ ********* **
صعيدى سرق مليون جنية وراح دفنهم فى حفرة وكتب عليها (مفيش فلوس هنا)!!!
راح حمدان ولد خالو خد الفلوس وكتب على الحفرة (حمدان مخدش حاجة )!!!!
************ ********* **
واحد بيقول لصاحبه: هو أنا لما ابوس اختك نبقى نسايب؟
قال له: لأ ، هنبقى خالصين
************ ********* **
واحد ظبط مراته بتخونه مع واحد صاحبه وقتله
مراته قالت له: أهو انت بغبوتك دي هتقتل كل اصحابك
************ ********* **
واحد صعيدي خبطته عربيه ،، أخذ 50 ألف جنيه تعويض ،،
راح وقف قدام القطار وقاله: خش عليا يا أبو الملايين
************ ********* **
"قوية "
واحد داخل لمراته بيقول لها اتعلمي الطبخ ونطرد الخدامة
قالت له: اتعلم انت تبوس ونطرد السواق
************ ********* **
بقرة واقفة قدام مراية بتتمكيج وبتقول: والله حرام الجمال دا كله يروح لطور
************ ********* **
واحد بلدياتنا اتصل الساعة 12 الظهر في رمضان ببرنامج ما يطلبه المستمعون
قالوا له تحب تسمع أيه؟
قال لهم أحب أسمع أذان المغرب
************ ********* ********* ********* *******
محشش قطع رأس أخوه وهو نايم
وقعد يضحك ويقول : أكيد هيتجنن لما يصحى وميلقيهاش
********************* **
سألوا واحد بخيل لما الجو بيبرد بتعمل إيه؟
قالهم: بأقعد جنب الدفاية
قالوا له طب لو البرد زاد قوى؟
قال بألزق فى الدفاية
قالوا له طب لو الثلج نزل بتعمل إيه؟
قال : هأشغل الدفاية بقى وأمري لله
************ ******** **
إتنين كفار بيتعشوا
واحد قال: بسم الله الرحمن الرحيم
التانى قاله إنت عبيط ؟ إحنا كفار
قال له: آه صح أستغفر الله العظيم
************ ********* **
ديك كسر بيضة لقاها فاضية
قال للفراخ من الجزمة اللى بتأخد حبوب منع الحمل؟